Mkhare (gürc. მხარე) — Gürcüstanın inzibati ərazi bölgüsündə inzibati vahid. Ümumiyyətlə “region” olaraq tərcümə olunur.
Regionlar (gürc. მხარე) Abxaziya və Cənubi Osetiyadakı separatçı münaqişələr həll oluna qədər 1994-1996-ci illər arasında Prezident sərəncamları ilə müvəqqəti bir şəkildə qurulmuşdur. Onlar, Gürcüstanın ənənəvi tarixi və coğrafi ərazilərinə təqribən uyğundurlar. Region muxtar bir vahid deyildir və vəzifəsi, daha çox bir neçə bələdiyyənin (Acarıstan və Tbilisi bələdiyyələrindən başqa) bir regionda Gürcüstan prezidenti tərəfindən vəzifələndirilən bir vəzifəli şəxs tərəfindən təmsil edilən Gürcüstan mərkəzi hökuməti ilə olan ünsiyyəti koordinasiya etməkdir. Gürcüstanda müvəqqəti inzibati Regional idarəetməyə, Gürcüstan prezidenti tərəfindən təyin edilən səlahiyyətli Dövlət Komissarı (gürc. სახელმწიფო რწმუნებული, Saxelmćipo Rćmunebuli, ümumi olaraq “Qubernator” (gürcücə: გუბერნატორი) olaraq tərcümə olunur) rəhbərlik edir. Lakin qubernator adı rəsmi ad deyildir.[1]
Bölgələr ayrıca olaraq raion (rayon) adlandırılan inzibati bölgələrə bölünmüşdür. Gürcüstanda 9 bölgə mövcuddur. (Aşağıda həmin bölgələrin adları, mərkəzi şəhərləri və əhalisi göstərilmişdir)
Region | Mərkəzi şəhəri | Əhali |
---|---|---|
Quriya | Ozurgeti | 113,000 |
İmeretiya | Kutaisi | 536,052 |
Kaxetiya | Telavi | 319,144 |
Kvemo-Kartli | Rustavi | 423,986 |
Mtsxeta-Mtianeti | Msxeta | 94,370 |
Raça-Leçxumi və Aşağı Svaneti | Ambrolauri | 31,927 |
Sameqrelo-Yuxarı Svaneti | Zuqdidi | 331,145 |
Samtsxe-Cavaxeti | Axaltsixe | 160,262 |
Şida Kartli | Qori | 264,633 |
© MMXXIII Rich X Search. We shall prevail. All rights reserved. Rich X Search